Zer artista mota ginateke gizartea aldatu nahi ez bagenu?

Hipermerkauak denbora pasatzeko
gune bilakatu ditugu.
Eta jendea ezkondu egiten da
oraindik ere;
esaten dute horrela
maitasuna benetakoagoa dela,
apaizak sakristian
dibortzio zoriontsua
opa dien bitartean.
Gurasoek haurrekiko
kontrol poliziala daukate,
maitasunaren eta segurtasunaren
aitzakian.
Laster lehen aldiz
larrua jotzera doazenean
gurasoei abisatuko diete.
Munduaren historian
psikologiaren beharrarekin
hazi diren lehenengo haurrak
sortu ditugu.
Dena eros dezaketen hau hauek
preziorik garestiena
ordaindu diote bizitzari:
ilusioa galtzea,
ez bada hurrena modan jarriko den
tresna, soineko edo gailua
erosteko.
Horregatik, niri ez iezadazue
balore hauek finkatzeko
laguntzarik eskatu.

Pako Aristi