Azken gutuna zuretzat

Oraindik ez dakit zergatik utzi gintuzun modu hartara, zer bilatu nahi zenuen zeruaren eta lurraren arteko distantziaren jabe eginaz. Zerutik lurrera salto egin zenuen lurretik zerura alde egiteko, baina ez da zilegi niri ezer esan gabe egin izana. Orain nik ere alde egin nahi dut, ez daukat ezer hemen eta aitak ez du inoren zaintza behar, ez dugu bata bestearen beharrik. Uraren indarrak bereganatuko nau inongo erresistentziarik jarri gabe eta beharbada itsasoan amaituko dut gure hondartzako ibilaldiak bergogoratzeko. Laster arte.